Институт К.И.Скрябин атындагы Кыргыз улуттук агрардык университетинин базасында Германиянын Федералдык айлана-чөйрөнү коргоо фонду «Nachhaltiges RegionALMAnagement und Wertschöpfung zum Erhalt alter Apfelsorten» тарабынан каржыланган Казакстан менен Кыргызстандагы „ALMA“ долбоорунун негизинде түзүлгөн.

Борбордук Азия чөлкөмүндө фауна жана флоранын уникалдуу көп түрдүүлүгү бар. Экосистемалардын жана биологиялык ар түрдүүлүктүн бул байлыгын келечек муундар үчүн сактап калуу улуттук жана эл аралык күч-аракеттерди күчөтүүнү талап кылат. Эгер бул ишке ашпаса, жакынкы келечекте биологиялык ар түрдүүлүктүн бүтүндүгү бузулуп, түрлөрдүн жок болуу ылдамдыгы экспоненциалдуу түрдө жогорулайт.

Кыргыз-Германия экосистемаларын жана биологиялык ар түрдүүлүктү коргоо институту Кыргыз Республикасында жана Борбордук Азия чөлкөмүндө экосистемалардын жана биологиялык ар түрдүүлүктүн жоготууларын азайтууга жардам бере турган инновациялык долбоорлорду иштеп чыгуу аркылуу илимий изилдөөлөргө, практикага жана коомго салым кошууга умтулат. Керектүү эл аралык билим берүү Кыргызстан менен Германиянын ортосундагы кызматташтык мамилелер менен ырасталат. Бул контекстте экосистемаларды жана биологиялык ар түрдүүлүктү коргоо боюнча аймактык баалуулуктарды түзүү боюнча чаралар, студенттер жана жаш окумуштуулар үчүн квалификациялык чаралар, коом, саясат, бизнес жана башкаруу үчүн коммуникация концепциялары иштелип чыгууга мүмкүнүчүлүктөр пайда болот.

Институт эл аралык жана дисциплиналар аралык кызматташтыкты жана өнөктөштүктү мындан ары өнүктүрүү үчүн ачык.

Кыргыз-Германия экосистемаларын жана биологиялык ар түрдүүлүктү коргоо институту Кыргызстанда жана Борбордук Азия чөлкөмүндө экосистемаларды жана биологиялык ар түрдүүлүктү коргоо жаатында биргелешкен долбоорлорду ишке ашыруу үчүн кыргыз, немис жана башка өлкөлөрдөн эксперттерди тартат.